اجمل الاشعار الكردية

صباح/مساء
الخير

في فكرة حبيتها كتير وبدي دعمكم لتنجح الفكرة
بدنا نجمع هون عنا اكبر عدد من الشعر الكردي

ونعمله متل موسوعة الشعر الكردي والمطلوب عند النقل ذكر اسم الشاعر


انشالله تعجبكم الفكرة

ويلا همتكم معي

Bê vîna min ez anîme heyînê

Jînê ji heyraniya min pêve tiştek zeyde nekir

Bi zorê çûn û me seh nekir çi bû

Ji vê hatin û mayin û çûyin miraz



Piyana tejî ya rengê xwe girtî

Şkênandina wê serxweşek çawa babet dibîne

Hevqas ser û ran û kêf û destên delal

Bi hevîna kê gihane hev bi erna kê şikestin



Vexwarina şerabê û şabûnî ayîna min e

Destkişandina ji kufr û dîn dînê min e

Min ji bûka dinê re got-qelenê te çi ye

Go: dilê te yê şa qelenê min e



Di çerxa dinê ya bê binî de

Bi dilxweşî vexwe şerabê dem bi cewr e

Ko nob giha dema te ax meke

Ev piyanek e ko hemîyan re didin fir kirin bi dor



Ev rojeke xweş e hewa ne germ e ne sar

Ewrî toz şuşt ji lamên gul û dar

Bilbil bi zmanê xwe ji gula zer re got

Rabe dema vexwarina şerabê ye digel yar



Ji hatin û çûna me kar çi ye

Berê hêviya jîna me li kû ye

Di çerxa canî de çend mirovên pak

Şewitîn û ax bûn, ma dû li kû ye



Gayek ezmanî de ye navê wî Perwîn

Yekî din di bin erdê de xwey nivîn

Wek kûrbînan çavê hişyariyê veke

Jêr û jora du gayan garanê keran bibîn



Heyf strana ciwanî çikihaye

Ev bihara şahiyê êdî nemaye

Ew çûka cejna ko navê wê ciwanî bû

Hawar çawan hat û kengê firiyaye



Şerabê bide destê min dilê min tîhn e

Ev jîna bêbext direve wek bîhn e

Rabe şahiya dil xewna şevan e

Rabe agirê ciwaniyê av e yek bihn e


للشاعر Kamiran Alî Bedir-Xan

Dinê de xwestekên te sergirtin ma dawî çi ye

Te nameya jînê gî xwend ma dawî çi ye

Bibêj te çawan xwest welê sed sal mayî

Bibêj sed salên dî jî biminî ma dawî çi ye



Em gî dilketî ne û şerabperest in

Di kavilî de rûniştine serxweş û mest in

Ji spehîtî û kirêtîyê wehm û xiyalan dest kişand

Ji me hiş mexwaz em gî şerab bi dest in



Gulrûyê piyan û şerbikê şerabê bigire

Pê lêva avê û mêrg û çîmenan bigere

Ev feleka bêbext zehf rûheyvan

Dike sed car şerbik û sed car piyan



Ev dinê ko çend roj bû pêgehê me

Ji xemê pêve hîç ne bû destgehê me

Wey li me pirseke me jî hel ne bû

Çûn û hezar bêrî man di cergê me



Rûroj rabe û were ji bo xatirê me

Hel'ke mişkilekê wek daxwaza dilê me

Şerbikeke şerabê bîne de em vexwin

Ji pêş dema ko şerbikan çêbikin ji axa me



Eya ko bijartiya cihan î ji min re

Delaltir î ji can û çavan ji min re

Rûrojê ji canî şêrîntir hîç nîne

Tu sed car ji canî şêrîntir î ji min re

Kevok
Tu kevoka bi nîşanî
Li nav bexça bi fîganî
Derdê dilê’m tu dizanî
Tu birîna bê dermanî
*****
Tu kevoka bask şikestî
Di qaqibî tu nawestî
Di helînî dil û hestî
Tu jî wekî min bindestî
*****
Lê kevokê bar giranê
Tenê mayî li Cîhanê
Li bin berfê û baranê
Bê hêlînê mal wêranê
*****
Kevoka min nexş nexşî ne
Per û bask rêş belekî ne
Beşek azad yek bi xwîne
Dil û cergê’m dihelîne..

Min Ji Te Hezkir
*
Min ji te hez kir
Di şevekî tarî da
Li ber berf û baranê
Serê meha nîsanê
*
Min ji te hez kir
Bi zikê birçî
Bi lingê tazî
Roja çilê zivistanê
*
Min ji te hez kir
Bi dengê bilûrê
Bi qibe qiba kewê
Li zozanê şerefdînê
*
Min ji te hez kir
Di xewna xwe de
Li bın sîya darê
Roja bist û yekê adarê
*
Min ji te hez kir
Di çarde salî ya xwe de
Bi çavên bi hêsir
Li ber çemê miradê

Xakî Bîngol
13 04 07 Elmanya

Sê heval

Sê heval sê darên histû xwar
Sê birîn li ser axa Mezopotamya
Di desta de cixara vêketî
Di dil da hezkirina Welat evîna Xatunê
**********
Sê xort bûn li Welatê roj ê
Sê hêvî bûn di dilê tenik de
Bi bûn aram ji dayikê histû xwar re
Tola hezarê sala bû nawê wan
**********
Sê gul bûn li ser axa Tetwanê
Sê heval bûn li Welatê Êhmedê Xanê
Carna di bûn kozik li dora gola Wanê
Carna di bûn şervan li bin berf ü baranê
**********
Aram,Rêzan û Ronî bû navê wan
Bilind bû wek çîya bejna wan
Şer dikirin ji bo dayika xwe Kürdistan
Ne dı tîrsîyan ji leşkeren dujminan
**********
Xakî bîngol 19.04.07 Elmanya

Ez jin im xwe jiyan im !
Ez gulim dil, giyan im
Ez caran serpîyan im
Caran jî bin destanim

Ez dayikê her zarokan
Ez keçim, bûk, bêrîvan
Ez gul gulpikên gulan
Ez adana nav zevîyan

Ez roja çar demsalan
Ez bajar, gund û diyar
Ez stargeha her dilan
Hemêz dikim jî gelan

Ez jinim xwe jiyanim
Dil,dilketîyê miranim
Ez gulên nav zozanan
Hîm,bingehên olanim

Ez nebim tune xwarin
Xwe nebim tune aram
Ez robarê hingiv,şîran
Ez dikişim bo zarokan

Û daxwazim rojê şêrin
Ez naxwazim şer û şîn
Xwe jinim can,jiyanim
Ez gulim xwe zozanim

Ez dayikê keç û gedan
Ez naxwazim zir,zîvan
Xwestinê min serbestî
Ne bindestî ne nekoletî

Naxwazim şer û şervan
Hewî neyin tu ser jinan
Bila cîhan li me geş be
Ken bikeve jin,zarokan

Ez jinim gulê cîhanim
Xwe dilim ez giyanim
Ez kewanî ez bermalî
Ez azadîyê daxwazim

Ez jinim xwe jiyanim
Ez gulên boy çiyanim
Û naxwazim şin û şer
Vê pergelê dixim çala

Ez dengê boy gelanim
Ez heyva nav şevanim
Ro vedidim wek rojan
Xwe berbanga sibanim

Û kutan lidan,naxwazim
Ez ne dîlim xwe ne kole
Êdî bese bindestî ,koletî
Ez beramberî daxwazim

Xwe ninim kolên mêran
Ez dayikê hemû zarokan
Ev pergel xwe ne rewşe
Xwestinê min Sosyalizm e !

Mehmet Çobanoglu
10.08.2008
Yildirim

Baxê dilê mi çolistan,
Bu mi ne gul, ne gulistan,
Ne kûstane, ne xozistan,
Gej û vêzarim bindestan.

Çolekî bê av û derav
Lê digerim pêngav pêngav,
Dijmin lê danîye pir dav.
Bu me nema hinir û nav.

Bê dest hilîn, bê kar, xebat,
Zilmêra çênabe sebat,
Gava tehsib kêşbe ciwat,
Dê ceşn û seyran be welat.

Cahit Aybar-1999

Ala rengîn pîroz û xweş, te hildigrim diçim bimeş
Tu’l ser milên xortên ciwan, di nav te de yek rojek geş
Ala sê reng î tu, bi nav û deng î tu, nişana ceng î tu
Ey xortê Kurdan silavê le bikin

Îro me tu kirye himbêz, rojek wê bê te bikin rêz
Li ser bana, li eywana, roja şadî bi xeml û xêz
Kesk û sor û zer î, nişana zafer î
Ey keçên Kurdan silavê le bikin

Te bi zîv û zêr tevde kildim, roja cengê ez te hildim
Ger ez bimrim, ger ez rabim, Cegerxwîn im serbilind im
Ala sê rengîn î, pîroz û şêrîn î, nişana mizgîn î
Ey xortê Kurdan silavê le bikin

ولو اخي نورت صفحتي بتواجدك

Ji xwe xerîb im
Bêriya gula dêmbişkorî
pelatinka di nav hevalan de dileyîze
hêviyên zarokatiyê...dikim
Li xwe digeriyam
Min xwe nedît
Li xwe digeriyam
di deriya çavên te de
li ber eynik a
şêlî
şêlî
şêlî
Ji kevnatiya birînên min
westiyana hestên min
Min xwe dît paporeke mişt
ji hêvî winda.
Li ber pêlên har dixendiqim
Li xwe digeriyam
Bêçare bû
Ez bûm rondik,
di derya çavên te de
winda bûm.

Di asoyên çavên te de
Bêrî baraneke hûr hûr...
d i b a r î

Di kêlîkê de
kevok bizava firînê dikin
lêv dilerize
kela germê dibê du pelên sor.
muhra lêvên te
gazîya xudayê çiyayî ye
Dumana bêriya perasiya
di xewna min de
parçe parçe dibe.
Xwîn agir e
Şemalokên gewdê te vêdixe.
dil vedilorîne
Ji bo
Xweziyek winda
Welatekî winda
Azadiyeke winda
Ji bo heval
dayik û
dengê winda...
qêrîna bêdengiya me.
Tu dibî tengereke baran
Ji çavên min dibarî.

Gulnar Eli